By: Nickolai214 Nathaniel's POV Mas lumalim pa ang mga halik ni Mark na tinugon ko naman. Para akong lumulutang sa bawat dampi ng ...
By: Nickolai214
Nathaniel's POV
Mas lumalim pa ang mga halik ni Mark na tinugon ko naman. Para akong lumulutang sa bawat dampi ng labi niya sa mga labi ko.
Ilang sandali pa ay kumalas siya mula sa paghalik sa akin. Nagkatitigan kami at ang malalamlam na mga mata niya ang natitigan ko.
Tumayo siya at hinubad niya ang pang-itaas niya. Tumambad sa akin ang makinis at magandang hubog ng katawan niya.
Pagkatapos ay hinubaran din niya ako ng tshirt bago siya muling dumapa sa akin at muli ay pinagsaluhan namin ang pinakamainit na halik na naramdaman ko sa buong buhay ko.
Hindi ko alam kung totoo pa ba ang mga nangyayaring ito pero isa lang ang nasa isip ko. Ang namnamin ang pagkakataon.
Halos ilang minuto rin kaming naghalikan hanggang sa ibangon niya ako at paupuin sa ibabaw ng kama.
Pumuwesto naman siya sa likuran ko. Hinahaplos ng isang kamay niya ang binti ko. Isang kamay naman ay ang braso ko ang pinagdidiskitahan habang ang labi niya ay naglalakbay sa balikat, likod at batok ko na nagdulot sa akin ng kakaibang kilabot.
Nagtagal pa ang masasarap na sandaling iyon hanggang sa umabot na sa oras na inangkin na niya ako.
Wala akong pagsisisi sa nangyari. Ginusto ko rin ang lahat. Ako. Si Mark. At ang pag-angkin niya sa katawan ko.
Dahil first time ko ay halos hindi ako makalakad ng maayos nang araw na iyon. Si Mark ang nag-alaga sa akin. Inabot pa nga siya ng gabi sa bahay.
Inaasar pa ako ng gago nang pasukin kami ni Lola sa kwarto. Nasobrahan daw yata ako sa langoy pero makikita ang makahulugang ngiti sa mga labi niya.
Hindi lang minsan naganap ang pangyayaring iyon. Dahil sa tuwing nakakahanap ng pagkakataon si Mark ay ginagalaw na niya ako.
Matapos nga ang maiinit na eksena sa pagitan namin ay kapwa kami nakatulala sa kisame at magkayakap na nakahiga sa kama.
"Masaya ka ba sa mga ginagawa ko sayo?" bigla ay tanong niya.
"Masaya naman. Bakit mo naitanong?" sagot ko.
"Hindi dapat malaman ngbkahit na sino ang namamagitan ngayon sa ating dalawa Nat." aniya.
Kumurap ako ng ilang beses habang nag-iisip bago ako sumagot.
"Ano nga ba ang namamagitan sa atin, Mark?" tanong ko. "Mahal mo na rin ba ako?"
"Basta! Hindi dapat ito malaman ng iba. At kapag nasa labas tayo ay bawal mo kong lambingin. Maliwanag ba?" sabi niya.
Tumango naman ako.
"Hindi mo rin pweding gawin ito sa iba, Nat. Dahil akin ka na." sabi niya sa pagsisikap na patigasin ang tinig niya.
"Pwede pa rin akong magkaroon ng girlfriends pero ikaw hindi ka pwedeng magboyfriend. Lalo na yung mayabang na Trevor na yun. Layuan mo siya." matigas na sabi pa niya.
Nagpakawala ako ng malalim na buntong-hininga. Gustuhin ko man magreklamo sa mga patakaran niya ay hindi ko magawa.
Baka mag-away lang kami at alam ko na sa bandang huli ay ako pa rin ang talo. Dahil ako lang naman yata ang very much in love sa kanya.
"Sayo lang ako, Mark. Pero hindi ka akin." malungkot na sabi ko.
Hindi na ako sinagot ni Mark.
Noong una ay nababahala pa rin ako sa mga rules ni Mark. Pero makalipas ang isang buwan ay official na siyang nanligaw sa akin.
Patago nga lang dahil baka daw may makaalam na pumatol siya sa isang tulad ko. Kilala siya na babaero at straight guy sa campus at ayoko naman mapahiya siya nang dahil sa akin.
Hindi rin naman nagtagal ay sinagot ko siya dahil wala na rin namang dahilan para patagalin pa.
Naging official ang relasyon naming dalawa. Official Secret Relationship.
Hindi naman ako nagkaproblema sa kanya dahil mula nang maging kami ay hindi pa siya nagka-girlfriend.
Hindi rin naman nagbago ang pakikitungo niya sa akin. Kung ano kami noong magkaibigan pa lang kami ay ganun pa rin naman kami.
Noong una ay inakala ko rin na sex lang ang habol niya sa akin kaya niya ako pinapatulan ngunit habang tumatagal ay napapatunayan ko na nagkamali ako ng hinala.
Siya pa rin ang Mark na kaibigan ko. Pero mas sweet na siya sa akin ngayon.
Mga simple gestures na ginagawa niya at ang effort niya para makasama ako. Katulad na lamang nung namasyal kami sa mall.
Natanggal ang pagkakatali ng sapatos ko pero hindi niya ako hinayaan na umupo para itali iyon. Siya na mismo ang nagtali kaya naghiyawan tuloy ang mga baliw namin na kaibigan.
Hindi rin naman nagtagal ay si Mark pa mismo ang nagsabi sa kanila ng tungkol sa aming dalawa na ikinagulat ng lahat. Kahit ako.
Hindi ko inexpect na sasabihin niya iyon sa mga kaibigan namin. Noong una ay naghiyawan sila sa saya ay naramdaman namin sa kanila ang buong suporta nila sa amin.
"Sabi ko sa inyo. May something talaga eh." hirit ni Joey.
"Gago!" natatawang bulyaw sa kanya ni Mark.
Naikilala na rin niya ako sa mga magulang niya na noon ay nagkabalikan na. Pero bilang bestfriend lang niya. Pati sa kapatid niya na sobrang clingy sa akin.
Hindi nagtagal ay pati sina Kath, Errol at Joey ay isinasama na rin niya sa bahay nila.
Katulad ng naging reaksyon ko ay namangha din ang mga ito dahil napakalaki pala ng lupain nina Mark.
Pati ang bahay nila ay parang bahay ng mga mayayaman na tao sa mga palabas. Pero mayaman naman pala talaga sila dahil magaling na businessman ang Daddy niya.
Naramdaman ko naman ang warm na pakikitungo sa akin ni Tita Laura pero si Tito Frederico ay malamig sa akin at parang pagkadisgusto ang nakikita ko sa mukha niya kapag tinitingnan niya ako.
Naging masaya naman ako sa relasyon namin ni Mark kahit pa sabihin na patago iyon. Dahil walang araw na hindi niya ipinaramdam sa akin ang pagmamahal niya.
Minsan nagkakatampuhan kami kahit sa maliliit na bagay pero kaagad din naman iyong naayos ni Mark dahil siya palagi ang unang naglalambing at humihingi ng tawad.
Induction Ball at nasa huling taon na kami ng highschool nang may makakita raw sa akin na hinahalikan ni Mark sa loob ng campus at mabilis na kumalat iyon.
Dahil wala silang ebidensya ay hindi rin napatunayan ang akusasyon kahit na totoo. Mula noon ay nag-ingat na kami ni Mark.
Mabuti na lang din at todo ang pagtatakip na ginawa ng tatlo pa naming kaibigan upang maiiwas kami sa eskandalo.
Noon ko narealize na tama si Mark. Hindi nga namin kailangan ilantad ang relasyon namin. Dahil pag-uusapan at kukutyain lamang kami ng mga tao.
Tama na siguro na may tatlong mabubuting kaibigan na nakakaalam ng totoo.
Isang araw habang gumagawa ako ng assignment sa canteen ay nilapitan ako ng dalawang babae mula sa lower year.
"Hindi ba may something kayo ni Mark? Eh bakit nakikipaglandian pa siya doon kay Nina?" sabi ng isa sa kanila.
Napasulyap ako sa gawi nina Mark. Masaya silang nagtatawanan ng babaeng kasama niya. Classmate namin iyon. Bagong lipat sa section namin.
Hawak pa ng babae ang braso niya at nilalaro ang mga daliri doon. Seryoso namang nakatingin si Mark sa ginagawa ng babae. May kasama pa silang dalawang babae sa mesa nila na taga kabilang section naman.
"Ano ba talaga kayo ni Mark? Ano ka niya? Gay fling?" sabi pa ng isa saka sila nagtawanan na dalawa.
Bumaling ako sa dalawang babaeng junior student na nasa harapan ko saka ko sila inis na tinitigan pareho.
"Magkaibigan lang kami ni Mark. Pwede ba wag na ninyong lagyan ng kulay ang pagkakaibigan namin. Kung gusto niyo rin maging fling niya hayun siya lapitan ninyo. Makipag-agawan kayo sa babae niya pero wag na ninyo akong idadamay sa mga kalandian ninyo." galit na sagot ko saka ko na binitbit ang bag ko at iniwanan ko sila.
"Guilty ka kasi." pahabol pa ng isa pero hindi ko na sila pinansin.
Mabigat ang loob ko na umuwi na lang ako. Parang mapupunit ang dibdib ko dahil sa sama ng loob. Napakasama ni Mark para gawin sa akin ito.
Matagal na siyang hindi nagkakaroon ng girlfriend at kahit minsan ay hindi ko siya nakita na nakipaglandian sa iba.
Naglalaro ako ng mobile games nang pumasok sa silid ko si Mark. Padabog siyang umupo sa tabi ko.
"May kasalanan ka sa akin." inis sabi niya.
"Ako pa talaga ah!" galit na sagot ko.
"Bakit mo ako biglang iniwanan sa school kanina? Pagtingin ko sa mesa mo wala ka na."
"Hindi ko na kasalanan kung busy ka na nakikipaglandian kay Nina sa kabilang table. Hindi ko na kailangan magpaalam pa." sagot ko nang hindi pa rin tumitingin sa kanya.
Nagpatuloy pa rin ako sa paglalaro pero inagaw ni Mark ang cellphone ko mula sa kamay ko.
"Nagseselos ka ba?" tanong niya.
Hindi ko siya sinagot.
"Tang-ina kung nagseselos ka matutuwa ako. Pero hindi mo kailangan magselos dahil hindi ko gusto si Nina o kahit isa sa mga kasama niya kanina." paliwanag niya.
"Eh bakit ka umupo sa table nila?" nakataas ang kilay na tanong ko.
"Malay ko bang lalandiin lang pala niya ako. Sabi lang nila may bagong experiment sila at kailangan nila ng tulong ko."
"Experiment!" sarkastikong sabi ko.
"Kalandiang experiment. Iniwanan ko sila nang makahalata na ako. Pero ako naman pala itong iniwanan mo." natatawang sabi niya.
Yumakap siya sa akin pero pinigilan ko siya. "Tigilan mo ako. Galit ako sayo." masungit na sabi ko.
"Naaaaat!" nagmamaktol na sambit niya sa pangalan ko saka siya muling sumubok.
Paulit-ulit ko siyang pinigilan pero hindi siya tumigil hangga't hindi niya ako nayayakap ng mahigpit.
"Hindi ko pa nararamdaman sa iba ang ganitong pakiramdam habang niyayakap kita." bulong niya.
"Ikaw lang ang nakakapagparamdam sa akin ng ganito. Hindi ko maipaliwanag pero masaya ako kapag kasama kita." dagdag pa niya.
Hinayaan ko siya na yakapin ako. Katulad niya ay ganoon din ang nararamdaman ko sa tuwing yayakapin niya ako.
Christmas Break noon nang dumating sa Carmen ang parents ko. Hindi nila sinabi sa akin na uuwi sila kaya kahit ako ay nabigla.
Matagal na yakapan ang isinalubong namin sa isa't isa. Pero mas matagal kong niyakap si Papa dahil mas matagal ko na siyang hindi nakakasama.
Kaunting kumustahan lang naman ang nangyari dahil two weeks lang daw ang bakasyon nila.
Hindi rin sila nagtagal sa Carmen dahil isinama kaagad nila ako sa Maynila.
Doon daw kami magpapasko pero kina Lola na kami magbabagong-taon.
Hindi na ako nakapagpaalam kay Mark ng personal pero nagpadala naman kaagad ako ng message sa kanya na nireplyan naman kaagad niya.
Ingat ka diyan. Mamimiss kita. 😞
Sa Maynila ay sinulit namin ng parents ko ang bakasyon namin dahil sa loob lang ng dalawang linggo ay aalis na naman sila.
Doon din muna si Ate Annie sa pakiusap na rin daw ng mga magulang namin.
Naging masaya naman ang buong bakasyon namin. Madalas kaming ipasyal nina Papa.
Nag-enjoy ako lalo na si Kyle. Ang cute na anak ni Ate Annie.
Hindi kami naghanda sa pasko pero kumain kami sa isang mamahaling restaurant.
Ilang araw bago kami bumalik sa Carmen ay kinausap ako nina Mama sa hapunan.
"Ga-graduate ka na sa marso. Kailangan mo nang asikasuhin ang mga papel na kakailanganin mo para maisama ka na namin sa amerika." sabi ni Mama.
Natigilan naman ako. Amerika?
Oo nga pala may usapan kami noon na pagkagraduate ko ng highschool ay isasama na nila ako sa amerika. Pero bakit hindi ako masaya?
Napamahal na sa akin ang pamilya ko sa Carmen. Napamahal na rin sa akin ang mga kaibigan ko. Paano na si Mark kung aalis ako?
Napailing ako. Hindi kami pwedeng magkahiwalay ni Mark. Mahal ko siya at nararamdaman ko na mahal niya rin ako.
"Pag-iisipan ko po muna ang tungkol sa bagay na iyan." sagot ko kay Mama.
"Bakit mo pa pag-iisipan? Ayaw mo ba kaming makasama?" sagot ni Papa.
"Hindi naman po sa ganun. Para lang po kasing hindi pa ako handa. Pero mabilis ko na rin naman pong maaayos ang mga papers ko once na kukunin na ninyo ako." sagot ko na lang.
Sa katapusan nga ng taon ay bumalik kami ng Carmen. Doon din nagpalipas ng bagong taon ang pamilya ko.
Pero may hinahanap ako na tao. Kaya kahit masaya kami ay parang may kulang.
Nagtext ako kay Mark.
Nakabalik na kami sa Carmen.
Puntahan kita ngayon? sagot niya.
Pero naisip ko na baka kapag nakita siya nina Mama ay maghinala sila kung bakit nagdadalawang-isip ako na sumama sa kanila sa amerika.
Magkita na lang tayo sa plaza. reply ko.
Nagpaalam ako sa pamilya ko na makikipagkita ako sandali sa mga kaibigan ko. Kaagad naman nila akong pinayagan.
Pagdating ko sa plaza ay nandun na si Mark. Kasama niya sina Errol, Kath at Joey.
Nang makita ako ni Mark ay halos patakbo niya akong sinalubong at niyakap ng mahigpit na mahigpit. Pagkatapos ay hinalikan niya ako sa labi.
Nakangisi naman ang mga kaibigan namin habang nakatingin sa amin.
"Mabuti naman nagpakita ka na. Walang bukambibig yang lalaki na yan kundi Nat. Nakakairita na." sabi sa akin ni Joey.
"Gago namimiss ko lang talaga siya." nakangising sagot ni Mark habang nakaakbay pa rin sa akin.
COMMENTS